1.

Tief eim Toale, zwescha Barcha, leit mei liewe , schiene Häämt,

Griene Wiesa, griene Felder, vo grien Pescha eigesäämt.

Refrain: Dich mei Staadtla lieb ich ennich, weil mei Harze schleet noch worm,

               on ich tu dich nee vrgassa, dich mei Staadtla, klään on orm.

2.

On die Bächlan, klor on helle, sprenga flink der Odler zu,

on die Veechalan tun senga: Häämt mei Häämt, wie schien best du!

3.

Best eis Harze mir gewochsa, Mihlbarg du, ich muss der'sch sään,

host viel Frääde on viel Kommer wie a Freind mit mir geträän.

4.

Ei der Fremde doocht ich ofte: Och, wie schien ies’s ieweroal!

Doch om schinnsta ies derhääme, ei mem griena Odlertoal.

5.

On de Leute vu aalem Schloache hoan änn treua deutscha Sinn,

haala feste zu dam Staadtla, doass soll oalla recht gutt giehn.

6.

Wenn der schiene Traam zu Ende, groabt mich ock drhääme ei,

bei männ Barcha, bei männ Staadtla will ich ei an Himmel nei.

               Tu aa du mich nee vrgassa, du mei Staadtla, klään on orm.